يااااااااااي والله على الجامعة !!
الصراحة اشتاااقيت للجامعة وااايد !
وللآيتي ، وقسمنا الاصفر ، وللـــلابات ، واللاب العود
واهم شئ ، الغالي :: لوكري ( اشتاقيت له وايد ، لي معاه ذكريات وايدة .)
والفودكورت مالنا ، و المكتبة !!
وكلية العلوم الكريها ، اللي كله هدوء .. ولا استراحاتها الخلّي ,, ولانشوف فيها احد الا يوم امتحان لووول !!
وكله طلبتها مــســـنــتــرين بالمكتبة ، تقول / المكتبة يروحونها اكثر من كليتهم !!! - ياربي معقدين !
بس احلى مافيها .. لابات الكيم ,, ( والله اياااام ) كنا نخلط ونخوور بالمحاليل ، و نلعب على المس مالتنا !! ونعيب على مس الللاب اللي يمنا ( يا عليها بلهجة وحجي .. يااييييي عجيب والله - تسمعونها تقولون ماتبونها تسكت ولاتقدرون تيودون روحكم من الضحك ، والله انها عججيبة ولا طلبتها يحبونها بعد ! - هاكم تتحجي بالبطيييئ وشوي وشي وكلامها فنتق ، وكلمات مادري من وين اتييبهم على بحريني على مادري من وين مع انها بحرينية - بس صج تشرح عدل احلى من مالتنا (: !
اي صح :: ما انسى :: احلى واعجب دكتورة درستني في الجامعة ( دكتورتنا الكيم " ريما "
، اهي هندية لكن شنو عجييبة ، فنتق ، خوش مرة وخوش دكتورة ، عجيبة احبهااا وايد , وكنت احب محاضرتها وااايد )
ولا لين تقول ( مااهلووول ) = محلول - فن والله ، وسكشنها برنامج ولانتتملل ، ولا احلى شئ لين تترجم لنا مصطلحات الكيميا بالعربي - هني عاد خذ وخل ، تموتني من الضحك !! بس صج صج صج صج صج صج عجيبة !!
احبها ، وهي بعد صارات تسأل عني أخر الايام ولا تسلم علي لين تشوفني بالجامعة
، فديتها والله
هاي بالعلوم !
اما مع الايتي : لي معاها احلى ذكرياتي !!
وخصوصا صوب الاصفر ! اما اللاحمر ماحبه ... والازرق كان من البلاك لست , لكن بعدين حبيته
وصات لي معاه احلى الذكريات !
واشتاقيت ، للسكاشن الصفرة ، وخصوصا اللي يم الاستراحة ( هاذي اللي عندهم فه محاضرة ويدرسون فيه - يعني مافوقهم فوق ) - . وخصوصا اللي بالازرق - مثلات اللي بالاصفر بس صوب الازرق ( هاي له معزة خاصة )
ضيعتكم لا !! تعالو عندنا بتفهمون !!
ايي وبعد الثلاجة اللي تبيع الكافي والعصيرات ،هاي عجيبة ( فيها كافي حلو بس اذا شريته منها ، اما من البرادات طعمه مو حلو )) - مادري ليش ؟؟ قارين عليها وعلى الاكل اللي فيها ؟؟ !!! لوووووووول
وحماماتها بعد ـ كله انظاف ( ماخليت شئ ) !
وبعد ما انسى .. جيرانا البعاد اللي لازم نطق لهم درب ، ولا اذا حظنا حلو ( نلاقي باص يودينا لهم ) !!
الا وهمه ( كليتي البزنس ، والآداب )
الكليتين اللي الجامعة كلها مايتمون خالين . وكله زحمة
والاوادم يقوووشوون ، ماشاء الله عليهم
هاذوله الكليين عاد ، يذكروني بأول فصل لي في الجامعة ، ايام مااكنت مضيعة حدي مادري بالدنيا ، وهناك كل شئ عجبة !
اذا ماعندكم برنامج ، و متمللين ، بس روحو البزنس ولا الاادب وقعدو في الكراسي تحت على جانبين الكلية .,., وبس استمتعو بالمناظر العجيبة من الرايح والياي ، هاي هو البرنامج عندهم هناك !! - بس عاد البزنس غيير
مايحتاي بعد
ولا مجمع المطاعم مالهم ، عجيييييب وهو مكاننا ووجهتنا الوحيدة لما يكون عندنا برييك طويل بين المحاضرات ، او اذا عندنا لاب العصر ! نروح نتغذى هناك من كودو ونغير جو عن الايتي والصحراء والفورومولا ون اللي عندنا هناك يم الآيتي !!
ملاحظة :: للي لحين مادخلو الجامعة ،او اللي مايعرفون :: معنى كلمة لاب ؟ -- لاب يعني ( مختبر الحاسوب بالانجليزي - وخبركم احنا مال الآيتي ، يعني لنا مصطلحاتنا )
امممممم ......
هاي غير ، الربع ، والطلعات ، والروحات واليايات ، والمواقف ، والمقالب
والـــفـــعـــالـــيـــــات ، والبرامج ، والانـــتـــــخــــابـــات واالترشيخ ودوختهم ( ايااااااام عجيبة )
والواجبات ، والامتحانات ، والكوزاات ( الاختبارات يعني ) - الاسايمنات -
والشردات _ التـّـضيع في المحاضرات - والرقاد - وغربلة الدكاترة - والضحك
والهوشات - والزقرات - المزاجيات - الصياح و .. و .. و.,
صج انها ايام ,, عجييييييبة !!
صج انها سنة احين بتمر عليّ في الجامعة ، لكنها حافلة
و حلوة ولها طعمها الخاص لين نتذكرها ، بــــــ ــحلوها ومرها
الله يرجعنا لها بالسلامة ! ههههههههه
ويجمعنا بكل من نحب فيها ، ويوفقنا ويسدد خطانا !
ويشرح صدرنا للدراسة ، ويمنحنا الدرجات العليا !!
ونحصل في المواد كله A A والمعدل يوصل 4 !!
قولو آمين !!!
وبس ....
وان اشا ءالله نطروني مرة ثانية بمذكرات وخرابيش جامعية مرة ثانية جريب الجامعة ، ايام الجامعة !!
وحتى انا في الجامعة ، وقت البريك باطل عليكم اذا صار شئ مهم
ان شا ء الله ! تعالى
تحياتي لصاحبة الموضوع :: هني صج نقدر نفضــفض عدل !! لين ماحصلنا احد نسولف وياه .. نسولف على العلن